Një pjesë e Murit të Madh Kinez është dëmtuar seriozisht nga disa punëtorë ndërtimi në provincën qendrore të Shanxi pasi që përdorën një ekskavator për ta depërtuar murin kinez, transmeton Gazeta Metro.
Policia ka thënë se dy persona janë ndaluar pasi që dyshohen se me eskavator tentuan të krijonin një rrugë të shkurtër duke dëmtuar murin ikonik kinez.
Një mashkull 38 vjeçar dhe një grua 55 vjeçare ishin duke punuar afër zonës 32 në Murin e Madh pikërisht në vendin ku ishte dëmtuar ai, raporton BBC.
Ata kishin krijuar një hapësirë më të madhe në një vend ku muri veqse ishte i ndërprerë ndërsa dyshja me ekskavator ka zgjeruar këtë ndërprerje në mënyrë që të krijojë rrugë.
Policia kineze ka thënë se këta dy persona kanë kryer një dëm të pariparueshëm ndaj integritetit të Murit kinez dhe ndaj sigurisë së relikteve kulturore.