Kryetarja e qytetit të Shkupit, Danela Arsovska dhe kryetari i komunës së Sarajit, Blerim Bexheti, sot kanë inspektuar fillimin e aktiviteteve ndërtimore për rindërtimin e rrjetit të ujësjellësit në vendbanimin Bojane të komunës së Sarajit.
Veprimtaritë e ndërtimit në terren përfshijnë rikonstruksionin e rrjetit ekzistues të ujësjellësit, i cili ka defekte të shpeshta si pasojë e konsumimit dhe këputjes, si dhe për shkak të profilit dhe materialit jo të kënaqshëm të tubacionit ekzistues.
– Me realizimin e këtij projekti infrastrukturor zgjidhet një problem i kahershëm në këtë pjesë të qytetit dhe banorët e këtij vendbanimi marrin ujësjellës më cilësor dhe lidhje të reja. Ne kujdesemi për të gjithë qytetarët në mënyrë të barabartë dhe investojmë në sigurimin e kushteve cilësore për jetë në çdo komunë dhe vendbanim të qytetit – tha Arsovska.
Kryetarja Arsovska theksoi se Qyteti i Shkupit në vazhdimësi po punon për përmirësimin e furnizimit me ujë të qytetit në përputhje me projektet e premtuara nga programi “Për një Shkup modern”, ku zgjidhja e sfidave me rrjetin e ujësjellësit është një nga prioritetet.
