Një aeroplan i vogël është përplasur në një hangar në një aeroport pranë Varshavës, ku si pasojë humbën jetën të paktën pesë persona.
Ministri polak i Shëndetësisë, Adam Niedzielski konfirmoi se “aksidenti ajror” ndodhi në aeroportin e Kricinit, transmeton Telegrafi.
“Kemi të paktën shtatë të lënduar dhe pesë të vdekur”, ka shkruar Adam Niedzielski në Twitter.
Ai shtoi se në vendin e aksidentit kanë shkuar katër helikopterë dhe 10 autoambulanca.
“Spitalet e Varshavës janë gati ose tashmë po presin pacientë”, tha ministri polak.
Monika Novakovska-Brinda nga ekipi i zjarrfikësve ka thënë se aeroplani Cesna me rastin e aterimit në kushte ekstreme të motit u rrëzua në hangarin brenda të cilit gjendeshin 10 persona.
Novakovska-Brinda raportoi se viktimat ishin kryesisht njerëz që u strehuan në hangar nga kushtet e këqija atmosferike. Ajo saktësoi se në aeroplan ishin tre pilotë, njëri prej të cilëve vdiq. /Telegrafi