Një ilaç i ri kundër kancerit po jep shpresë për zëvendësimin e kurave rraskapitëse me kimioterapi.
Është fjala për një ilaç të quajtur blinatumomab ose Blina siç njihet gjerësisht dhe që sipas BBC, në Britaninë e Madhe po jep rezultate shumë pozitive edhe tek fëmijët e sëmurë.
Media publike britanike sjell rastin e një 11-vjeçari, i cili vuan nga leuçemia akute. Siç shkruan BBC, qëkurse mjekët në spitalin e Londrës ta kurojnë me këtë ilaç, përmirësimi është i dukshëm.
Prindërit e 11-vjeçarit thonë se përveçse nuk është i detyruar të qëndrojë më në spital për të ndjekur kurat e kimioterapisë, fëmija ndjehet edhe më energjik.
Ai i është rikthyer jetës normale në shkollë dhe në shtëpi.
Siç shpjegojnë mjekët, ilaçi Blina është zhvilluar për të zhdukur vetëm qelizat kanceroze, në dallim nga kimioterapia që shkatërron edhe qelizat e shëndetshme.
Ilaçi që është licencuar për përdorim nga autoritetet britanike merret përmes venave, por jep mundësi për të lëvizur lirisht, pasi mbahet përmes një qese si çantë shpine dhe përmban sasi që zgjat për disa ditë.