Këtë vit janë rikonstruktuar këndet sportive të shkollave të mesme të qytetit të Shkupit “Pançe Arsovski” dhe “Saraj”, ndërsa sallat sportive të shkollave Gjorgi Dimitrov dhe Marija Kiri Sklodovska janë rikonstruktuar plotësisht. Në kuadër të aktiviteteve, në shkollën e mesme të qytetit të Shkupit “Vasil Antevski Dren”, nxënësit tani kanë qasje në një kënd të rikonstruktuar sportiv për basketboll, i cili u ofron nxënësve të shkollave të mesme dhe stafit mësimdhënës kushte të shkëlqyera për mirëmbajtjen e mësimit, të edukimit fizik, sportit dhe rekreacionit.
Qyteti i Shkupit njëkohësisht filloi me zbatimin e projektit nga programi Për Shkupin modern, i cili realizon ngritjen e zonave të fitnesit në natyrë me pajisje moderne fitnesi në oborret e shkollave, të cilat synojnë të nxisin zakonet e jetesës së shëndetshme tek nxënësit. Nëpërmjet këtyre investimeve u mundësohet sportistëve të rinj që marrin pjesë në ligën shkollore, por edhe të gjithë nxënësit e shkollave të mesme të stërviten dhe të përmirësohen, gjë që i bën terrenet e jashtme sportive, gjimnazet dhe zonat e fitnesit një vend të mrekullueshëm për shoqërim dhe sport, njoftojnë nga Qyteti i Shkupit.