Kryeministri Dimitar Kovaçevski në konferencën e sotme për shtyp njoftoi se në pakon e re anti-krizë do të përfitojnë rreth 105.000 nxënës dhe 15.000 studentë, përcjell Telegrafi Maqedoni.
“Për masën anti-krizë ndaj nxënësve janë ndarë gjithsej 14,3 milionë euro. Nxënësit e shkollave fillore, nga familjet me kushte të dobëta financiare do të marrin nga 1.200 denarë në 6 muajt e ardhshme, ndërsa ata të shkollave të mesme do të marrin nga 1.800 denarë”, theksoi Kovaçevski.
Kryeministri tha se në këtë pako të masave kemi siguruar të ardhura për rritjen e standardit të nxënësve
Kovaçevski poashtu njoftoi se nga këto masa do të subvencionohen edhe 15.000 studentë që jetojnë jashtë qytetit ku studiojnë dhe se të njëjtit do të marrin vauçer për transport.
“Studentët në 7 muajt e ardhshëm, në muaj do të marrin vauçerë në shumë prej 600, deri 1.200 denarë, për çka janë paraparë 2 milionë euro”, shtoi Kovaçevski.