Sipas përditësimit të nëntorit të fundit të listës së këshilltarëve dhe bashkëpunëtorëve të punësuar në Qeverinë e Maqedonisë, rezulton se ata kanë pasur rritje të madhe të pagave neto gjatë këtij viti.
Nëse kryeministri, zëvendëskryeministrat, ministrat dhe zëvendësit e tyre ende nuk duan të shpallin pagat e reja të rritura për 78 për qind, të paktën nëse asgjë tjetër mund të shohim se sa janë tani pagat e këshilltarëve dhe bashkëpunëtorëve në Qeveri, dhe tani janë shumë më të larta, përcjell Faktor.mk.
Këshilltari për Siguri Kombëtare Zoran Verushevski mbetet me pagë rreth 75.000 denarë apo mbi 1250 euro, por tani këshilltarët për punë të jashtme dhe të drejtë administrative po i afrohen asaj shume. Nëse në fillim të vitit këto dy pozita paguheshin me pagë neto prej 55.000 denarë, tani Eli Bojadzieska Ristovski dhe Elena Oranska Petkovska marrin pagë prej gati 72.000 denarë.
Në kabinetin e kryeministrit, Lube Boshkovski dhe Aksel Ahmedovski në fillim të vitit kishin paga neto prej 57.000 denarë si këshilltarë për investime të huaja dhe për zgjidhjen e çështjeve dhe procedurave ligjore, ndërsa tani pagat e tyre janë 72.000 denarë. Nga 57.000 në 72.000 denarë, Todor Bogoevski dhe Elvis Memeti – këshilltarë për persona me aftësi të kufizuara, përkatësisht për përfshirjen e romëve, kanë marrë rritje.
Departamenti i komunikimeve tani ka 14 punonjës, kryesisht ish gazetarë. Nëse deri para disa muajsh pagat e tyre ishin 55.268 denarë, tani ato variojnë nga 68.814 deri në 71.902 denarë.
Nuk janë bërë të ditura pagat e sekretarëve që drejtojnë dikasteret. Rritje të vogël ka vetëm për bashkëpunëtorët e jashtëm nga 36.000 në 39.000 denarë.(INA)