Ka reaguar Ministria e Shëndetësisë. Thonë se pagat e punëtorëve shëndetësorë janë rritur dy herë këtë vit. Në gjysmën e parë të vitit, një herë ato u rritën me 2000, 2500 dhe 3000 për tre grupe të ndryshme punonjësish shëndetësorë. Tani më 9 tetor ka pasur një rritje të re prej 10%, plus është rënë dakord për pagesën e rekursit në fund të vitit, thuhet në reagim, duke shtuar më tej se besojnë se rritja është e konsiderueshme dhe Ministria e Shëndetësisë dhe Ministri Mexhiti që nga marrja e detyrës, qëndron fuqishëm për të pasur të ardhura më dinjitoze dhe dy rritjet e bëra më herët janë si rezultat i këtij angazhimi. Megjithatë, shtojnë se mundësitë dhe buxheti nuk lejojnë më shumë. Ministria tashmë ka mbajtur disa takime me sindikatat, ku është diskutuar për këtë temë dhe është shpjeguar në detaje qasja e Qeverisë dhe Ministrisë së Shëndetësisë lidhur me rritjet e pagave, shkruhet në reagim.
