Një 35-vjeçare shqiptare ka rënë pre e një grabitjeje prej 8968 eurosh nga llogaria e saj. Shqiptarja, e cila jeton në Rodos prej disa vitesh, ra pre e një mashtrimi nga një i panjohur, i cili e telefonoi nga një celular me numër grek.
Pasi ka bërë denoncimin e saj në polici, ajo ka treguar se autori i telefonoi të hënën e kaluar, dhe i është prezantuar si kontabilist. Ai e ka bindur 35-vjeçaren shqiptare se i takonte kompensim, por për pagesën duhet të ndiqte një procedurë të cilën do ta drejtonte ai, raporton Protothema.
Duke mos dyshuar se kishte të bënte me një mashtrues, 35-vjeçarja ndoqi udhëzimet e tij dhe pa dashur i dha akses në llogarinë e saj bankare. Më vonë shqiptarja zbuloi se tre transferta të shumave prej 2998, 2990 dhe 2980 euro i kishte bërë në të njëjtin numër llogarie në një bankë tjetër. Policia ka nisur hetimet me qëllim identifikimin e personave të cilëve i kanë kaluar paratë në llogaritë bankare, si dhe për kontabilistin që mashtroi shqiptaren.