Kryetari i Kuvendit të Republikës së Maqedonisë së Veriut, Talat Xhaferi, sot dhe nesër do të marrë pjesë në Konferencën evropiane të kryetarëve të Parlamenteve të Këshillit të Evropës, e cila do të mbahet në Dablin, Republika e Irlandës. Në përbërje të delegacionit është edhe deputeti Nikolla Micevski dhe sekretarja e përgjithshme e Kuvendit, Cvetanka Ivanova.
Fokusi i Konferencës, siç informuan nga shërbimi i Kuvendit për shtyp, është në tre tema: Pasojat nga ushtria agresore ruse kundër Ukrainës dhe roli i parlamenteve nacionale në rikonstruimin e eUkrainës; Sfidat për demokracinë përfaqësuese në kohë jostabile dhe Barazi dhe llojllojshmëri në përfaqësimin publik – pjesëmarrja e të rinjve, grave dhe grupeve etnike dhe sociale si deputetë.
Kryetari i Kuvendit do të flasë në temën: “Pasojat nga lufta agresive ruse kundër Ukrainës dhe roli i parlamenteve nacionale në ropërtëritjen e Ukrainës”, ndërsa në margjina të Konferencës do të realizojë takime bilaterale me disa nga homologët e tij.
Konferenca e parë e folësve evropianë u mbajt në vitin 1975 dhe mbahet në çdo dy vite, në mënyrë alternative në Strasburg dhe në kryeqytetin e një vendi-anëtar të Këshillit të Evropës. Në samitin parlamentar nën patronatin e Asamblesë parlamentare të Këshillit të Evropës pritet të takohen rreth 350 pjesëmarrës. Para fillimit zyrtar të Konferencës, kryetaret e Parlamenteve do të mbajnë mëngjes pune, do të mbahet edhe debati me temë “Fjalori urrejtës dhe kërcënimet me dhunë ndaj prëfaqësuesve të zgjehdur” si dhe takim i sekretarëve të përgjithshëm të parlamenteve-pjesëmarrëse.