Blerim Bexheti shpreh keqardhje dhe ngushllime të përzemërta Shtetit të Kosovës dhe familjarëve për policin që mbeti i vrarë.
Nëpërmjet një postimi në faqen zyrtare të tij thekson se:
“Jemi të tronditur nga vrasja e pjesëtarit të Policisë së Kosovës, rënia në detyrë e Rreshter Afrim Bunjakut dhe nga plagosjet e pjesëtarëve të policisë, që ndodhën në fshatin Banjskë të Zveçanit!
Aktin e sulmit ndaj Policisë së Kosovës, e cilësojmë si një akt tepër të rëndë, kriminal dhe terrorist.
Dhënia e jetës për popullin dhe tokën që të ka lindur dhe rritur, është vepra më sublime që mund ta bëjë një njeri.
Me këtë rast, i shpreh ngushëllimet më të përzemërta në radhë të parë Shtetit të Kosovës, si dhe të gjithë familjarëve të heroit. Të plagosurve u dëshirojmë shërim sa më të shpejtë duke iu dëshiruar kthim sa më të shpejtë në detyrat e tyre.
Dëshirojmë që sa më shpejtë të ketë normalizim të situates në veri të Republikës së Kosovës!
