Kryeministri spanjoll, Pedro Sanchez, ka lëshuar bombën e radhës diplomatike duke njoftuar se këtë të martë do t’i kërkojë Bashkimit Evropian ndërprerjen e menjëhershme të Marrëveshjes së Asocimit me Izraelin. Sanchez deklaroi prerë se një qeveri që shkel ligjin ndërkombëtar dhe vlerat evropiane “nuk mund të jetë partneri ynë”, duke kërkuar izolimin ekonomik dhe politik të Tel Avivit. Ky propozim pritet të shkaktojë tërmet në Bruksel, pasi synon t’i heqë Izraelit të gjitha privilegjet tregtare brenda bllokut.
