Sekretari amerikan i Shtetit, Antony Blinken, i tha presidentit ukrainas, Volodymyr Zelensky, gjatë një udhëtimi në Kiev të martën se janë në proces e sipër edhe ndihma të tjera nga ShBA-ja.
“Ne e dimë se kjo është një kohë sfiduese. Por ne gjithashtu e dimë se në një afat të afërt ndihma tani është në rrugë e sipër, një pjesë e saj tashmë ka mbërritur dhe më shumë do të vijnë”, tha Blinken.
“Dhe kjo do të bëjë një ndryshim të vërtetë kundër agresionit të vazhdueshëm rus në fushën e betejë”.
Udhëtimi i Blinken është i pari i një zyrtari të lartë amerikan që kur Kongresi miratoi një paketë ndihme të vonuar prej 61 miliardë dollarësh muajin e kaluar. Trupat e larguar të Kievit po luftojnë me një ofensivë të re ruse në verilindje, si dhe me sulme në lindje, shkruan Reuters.