Qeveria që udhëhiqej nga LSDM-ja ka merita që Maqedonia e Veriut u bë anëtare e NATO-s, tha lideri socialdemokrat Dimitar Kovaçevski gjatë mitingut në Strumicë. Ai potencoi se nevojitet mbështetja e qytetarëve, për përmbushjen e misionit tjetër – anëtarësimit të vendit në BE. Kovacevski tha se LSDM-ja është e vetëdijshme për dënimin që mori nga qytetarët në rrethin e parë të zgjedhjeve presidenciale, duke u zotuar se, në të mirë e në të keqe, nuk do të heq dorë nga parimet socialdemokrate për barazi
“Patjetër të shkojmë përpara, nuk guxojmë të lejojmë kthim prapa, në trazira, ndasi të brendshme dhe konflikte. Rruga përpara është e qartë – e ardhmja e Maqedonisë së BE, bashkë m e demokracitë e zhvilluara perëndimore. Kthimi në pushtet i VMRO-DPMNE-së, Mickoskit dhe Siljanovskës, do të thotë kthimi i regjimit të kaluar të Gruevskit dhe fundi i perspektivës evropiane të vendit” – tha Kovaçevski.
Duke u thirrur në deklaratën e Presidentit të Këshillit Evropian, Sharl Mishel, se vendet kandidate duhet të jenë gati për anëtarësim deri në 2030, Kovaçevski bëri thirrje për mobilizim të qytetarëve më 8 maj, sic tha, që të mos humben shanset për t`iu bashkuar familjes ervopiane. Ndryshe, në radhët e para të tubimit në Strumicë, është vërejtur edhe ish-Kryeministri dhe ish-lideri i LSDM-së, Zoran Zaevi.