Gjiganti energjetik rus Gazprom ka raportuar pasqyrën financiare me humbje për herë të parë që nga viti 1999 e shtyer nga mungesa e tregtisë me Evropën dhe rënien e çmimeve të gazit ka raportuar Bloomberg.
Sipas raporteve të publikuara nga Gazprom Group humbjet e kompanisë në vitin 2023 ishin plot 629 miliard RUB apo 6.9 miliardë dollarë krahasuar me 13.5 miliardë dollarë fitim të regjistruar në vitin 2022.
Gazetarët shtuan se aksionet e Gazprom ranë me 4.4% qka shënon rënien më të madhe në më shumë se një vjet. Ata theksuan se aksionari më i madh i kompanisë është qeveria ruse buxheti i të cilës është nën presion nga sanksionet perëndimore dhe rritja e shpenzimeve ushtarake.
Blomberg tha se humbjet erdhën pas sanksioneve evropiane ndaj gazit rus si kundërpërgjigje për invazionin rus në Ukrainë. Të ardhurat nga gazi kanë rënë prej rreth 40% që nga fillimi i luftës në Ukrainë në 22 shkurt të 2022. Gazprom vazhdon të shesë gaz në Evropë mirëpo shitjet e saj kanë rënë në nivelin më të vogël që nga viti 1970.