Kryetari i Partisë Demokratike Turke, Bejxhan Iljas, ka demantuar informacionet e paraqitura se partia e tij është larguar nga Fronti Evropian.
“Duke qenë se simboli i Frontit është shtrëngimi i duarve, ashtu i dhamë dorën njëri-tjetrit kur lidhëm marrëveshjen e koalicionit. Lajmi që është përhapur me vetëdije dhe qëllimisht në platformat e rrjeteve sociale ditët e fundit se Partia Demokratike Turke u tërhoq nga marrëveshja e koalicionit dhe arriti një marrëveshje me VMRO-DPMNE-në është krejtësisht i pabazë. Opozita, e cila mori përgjigjen në kutinë e votimit të zgjedhjeve të 24 prillit, nuk do të ishte më e mençura, sepse e ndërtoi fushatën mbi shpifjet dhe gënjeshtrat e pista, jo mbi prodhimin e ideve”, shkruan Iljas në Facebook.
Ai shton se Partia Demokratike Turke vazhdon rrugën e saj me Koalicionin e Frontit Europian, e “jo me ata që mohojnë votën turke”. “Përgjigjen do ta japim sërish në kutinë e votimit më 8 maj për ata që mohojnë votën për turqit, për ata që tentojnë të arrestojnë Turqit për shkak se është bërë një foto dhe për ata që nuk ngurrojnë të tregojnë gjuhë urrejtjeje. I vetmi vend që mund të arrijë mentaliteti që prodhon politikë ditore dhe manipulime janë faqet e pluhurosura të historisë”, thekson Iljas.