Dalja në zgjedhjet presidenciale deri në orën 18 arrin 47,61 për qind, kumtoi Komisioni Shtetëror i Zgjedhjeve (KSHZ).
“Deri në orën 18 në KSHZ kanë mbërritur të dhënat për daljen në votime nga 1200 vendvotime. Nga gjithsej 612.850 votues të regjistruar në këto vendvotime kanë votuar 291 777. Sipas të dhënave të deritanishme lidhur me daljen, dalje më e madhe është shënuar në Novaci me 71,07%, ndërsa dalje më e ulët në Shuto Orizare 22,06%. Deri më tani, votimi ka qenë i qetë në të gjitha vendvotimet. Deri në këtë moment në KSHZ janë dorëzuar gjithsej 345 ankesa për mbrojtjen e të drejtës personale të votimit. Prej tyre, 98 ankesa janë pranuar dhe zgjedhësve iu është mundësuar realizimi i të drejtës së votës, 36 ankesa janë hedhur poshtë si të parregullta dhe 46 ankesa janë refuzuar. Ankesat e mbetura janë duke u përpunuar”, thuhet në kumtesën e KSHZ-së.