Autoritetet kanë evakuuar rreth 60 mijë njerëz nga shtëpitë e tyre në Guangdong, pasi shiu i dendur shkaktoi përmbytje masive në provincën më të populluar të Kinës.
Njëmbëdhjetë persona janë zhdukur, ndërsa deri më tani nuk raportohet për viktima, raporton BBC, transmeton Klankosova.tv.
Pamjet në mediat shtetërore dhe në internet tregojnë sipërfaqe të mëdha toke të përmbytura nga përmbytjet dhe shpëtimtarët që transportojnë njerëzit në varkat e shpëtimit në ujë të thellë.
Disa lumenj të mëdhenj kanë dalë nga shtrati dhe autoritetet po monitorojnë nga afër nivelet “të larta të rrezikshme” të ujit.
Ata kishin paralajmëruar se niveli i një lumi në Guangdong verior mund të arrijë një kulm “një herë në 100 vjet” të hënën në mëngjes, megjithëse kjo ende nuk ishte konkretizuar deri në mesditë.