Shefi i ushtrisë ukrainase ka paralajmëruar se situata në betejë në lindjen e industrializuar është përkeqësuar ndjeshëm ditëve të fundit teksa pas përmirësimit të motit forcat ruse kanë nisur sulme të reja në disa drejtime të frontit thuajse 1000 kilometra të gjatë
Në një prononcim në Telegram, Gjenerali Oleksander Syrskyy ka thënë se Moska ka shtuar ndjeshëm sulmet e saj që nga rizgjedhje e Putinit edhe për një mandat në krye të Rusisë nga ku kandidatët kundër luftës nuk janë lejuar të futen në fletëvotimet e zgjedhjeve.
Sipas Syrskyy, forcat ruse janë duke sulmuar aktivisht pozicionet e ukrainasve në tre zona të rajonit lindorë të Donetsk afër qytetit të Lyman, Bakhmut dhe Pokrovsk me tankse ku moti pranveror e ka bërë terrenin më të përshtatshëm për lëvizje, raporton The Associated Press.
Ai shtoi se pavarësisht humbjeve të ndjeshme, rusët janë duke intensifikuar përpjekjet e tyre duke përdorur autoblinda të armatosur të cilat po i mundësojnë sukses taktik në mënyrë periodike.