Presidenti Amerikan Joe Biden të premten njoftoi se në bazë të informacioneve kanë vlerësuar se teokracia e Iranit do të sulmojnë Izraelin së shpejti dhe se janë të përkushtuar në mbrojtjen e Izraelit
Shkurt dhe prerë ishte adresimi rreth kësaj çështje nga presidenti i SHBA’së të premten në pyetjet e gazetarëve rreth eskalimit të situatës në Lindjen e Mesme.
“Unë nuk dua të zbardh informacion të klasifikuar por vlerësimi im është se Irani do të sulmojë Izraelin së shpejti” raporton gazetari i Axios Barak Ravid.
“Ne jemi të përkushtuar në mbrojtjen e Izraeli. Ne do të mbështesim Izraelin, ne do të ndihmojmë në mbrojtjen e Izraelit dhe Irani nuk do të ketë sukses. Ju faleminderit shumë”.
Gjenerali Amerikan Michael Kurilla, komandanti i forcave ushtarake amerikan në Azi, ka përshpejtuar vizitën në Izrael në parapërgatitje të kërcënimit iranian.
Sipas raportit të Fox News, SHBA poashtu po dislokon asete shtesë në rajonin e Lindjes së Mesme për të shtuar efektin zmbrapsës në rajon dhe shtuar kapacitetet mbrojtëse të forcave amerikane sipas një zyrtari të departamentit të mbrojtjes.