Bujar Osmani, i cili përfaqëson partinë më të madhe të shqiptarëve në Maqedoni, BDI, u bë i njohur pas suksesit në luftën për të drejtat e shqiptarëve, në Maqedoni. Ai tani në mënyrë të orkestruar po sulmohet nga Qeveria Kurti dhe partitë opozitare shqiptare të Maqedonisë së Veriut. Albin Kurti dhe partitë opozitare shqiptare me dëshpërim bënë përpjekje ta nxjerrin Bujar Osmanin në taborin e Serbisë, metodë kjo e njohur dhe e praktikuar shpesh nga Lëvizja Vetëvendosje në Kosovë. Qeveria Kurti nisi sulmin ndaj Osmanit pikërisht për pikat që vetë u zotua në letrën të cilën ia ka dërguar raportueses për Kosovën në Këshillin e Evropës, Dora Bakojanis, ku specifikisht thuhet se shteti i Kosovës do të përmbahet nga përdorimi i policisë speciale në veri të Kosovës për detyra të zakonshme policore. Kandidati për kryetar nga radhët e BDI-së, Bujar Osmani, në postin e ministrit të Jashtëm, i kishte përzënë 17 diplomatë rusë nga Maqedonia e Veriut pasi i kishte zënë drejtpërdrejt duke komunikuar me njerëz nëpër institucione të rëndësishme.
