Gjiganti amerikan Apple ka shkurtuar më shumë se gjashtëqind vende të punës pas anulimit të planeve për krijimin e veturave elektrike
Shumica e shkurtimeve të vendeve të punës kanë ardhur nga vendi i planifikuar për tu prodhuar veturat elektrike vetëngasëse, raporton Bloomberg.
Departamenti i Punësimit në Kaliforni është njoftuar me 28 mars që 614 persona do të pushohen nga puna.
Deri më tani Apple ka shmangur pushimet nga puna në masë përkundër kompanive të tjera që janë detyruar ta bëjnë atë në pandemi.
Në maj të vitit të kaluar, drejtori ekzekutiv i Apple Tim Cook kishte thënë për CNBC se pushimet nga puna në masë janë resort i fundit.