Kiara Tito ka folur si rrallë herë në një intervistë për vajzën që pritet të vijë në jetë gjatë këtyre ditëve.
Në “Cherry On Top” me Bora Zemanin, ajo zbuloi vetëm shkronjën e parë të emrit për vajzën e tyre, që do të fillojë me L, ashtu si babai Lulz Ejlli.
Ajo tha se zyrtarisht ka marrë mbiemrin Ejlli, ndërsa përjashtoi mundësinë për të bërë një dasmë tjetër jashtë shtëpisë.
Kiara ndau edhe emocionet e para kur mori vesh që do të bëhej nënë për herë të parë.
“Ka qenë një vit me sfida dhe emocione të ndryshme. Fëmija të përmbush si grua dhe unë mezi po e pres ta kem në krahët e mi. Ka qenë gëzim menjëherë kur e mora vesh. Miks emocionesh. Të dy e donim shumë dhe erdhi në një moment shumë të bukur”, tha Kiara.