Keni marramendje kur ngriheni papritur? Edhe pse kjo gjendje është shumë e zakonshme dhe kryesisht e padëmshme, në disa situata do të ishte mirë që të konsultoheni me mjekun për të kontrolluar shkakun.
Sa e rrezikshme është vertigo
Marramendja është e zakonshme dhe nuk ka asgjë për t’u shqetësuar. Kjo gjendje – e njohur mjekësisht si hipotension ortostatik (postural) – shkaktohet nga një ndryshim i shpejtë në pozicionin e trupit tuaj.
Ju mund të humbni ekuilibrin ose të errësoheni, të gjitha për shkak të një rënie të përkohshme të presionit të gjakut që redukton rrjedhën e gjakut dhe oksigjenit në tru.
Errësira para syve shkakton ulje të qarkullimit të gjakut në retinë. Dr Stephen Jurashek, i Shkollës Mjekësore të Harvardit, thotë: “Kur njerëzit ngrihen në këmbë, rreth 300 deri në 800 centimetra kub gjak tërhiqen në këmbë, gjë që shkakton një rënie të përkohshme të presionit të gjakut. Rënia zbulohet nga arteriet dhe për këtë arsye shkakton një përgjigje të gjithë trupit për të stabilizuar presionin e gjakut. Enët e gjakut ngushtohen, muskujt e këmbëve dhe stomakut tkurren dhe rrahjet e zemrës rriten”.
Kjo zakonisht nuk shkakton simptoma të dukshme, por mund të duhet më shumë kohë për t’u stabilizuar nëse jeni të dehidratuar ose të sëmurë.
Kur bëhet shqetësuese
Megjithatë, gjendja mund të jetë problematike nëse e përjetoni rregullisht.
“Hipotensioni postural mund të jetë një shqetësim i veçantë nëse zgjat më shumë se tre minuta në këmbë. Më pas, edhe pse në raste të rralla, mund të jetë shenjë e dëmtimit nervor, që prek sistemin nervor autonom. Mund të nënkuptojë gjithashtu se keni presion të ulët të gjakut ose disa sëmundje të tiroides”, thotë Dr. Jurashek.
Nëse jeni të shqetësuar për simptomat, mjeku rekomandon që të matni presionin e gjakut dhe të shkoni te mjeku.