Organizatori i Kampionatit Evropian, UEFA tha të enjten se do të dëgjojë trajnerët e ekipeve kombëtare nëse duan të zgjerojnë numrin e lojtarëve që mund të thërrasin për Euro 2024, që mbahet në Gjermani.
Kështu organi kryesor i futbollit evropian do të marrë mendim nga menaxherët nëse duan që të kenë sërish 26 lojtarë në vend të 23 sa është tani.
Trajneri i Holandës, Ronald Koeman, tha këtë javë se numri i lëndimeve në futbollin modern nënkuptonte se ishte absurde të kthehesh në numrin tradicional të skuadrës prej 23.
Për shkak të pandemisë Covid-19, ekipet u lejuan me 26 lojtarë nga UEFA në Euro 2020, turne që u zhvillua një vit me vonesë dhe në Kupën e Botës 2022 të FIFA-s.
Nëse lojtarët ishin të izoluar për arsye shëndetësore, zëvendësuesit e tyre ishin tashmë në kamp dhe ishin në përputhje me protokollet e detyrueshme.
UEFA vendosi vitin e kaluar për skuadrat me 23 lojtarë për Euro 2024.
Ajo do të presë trajnerë dhe zyrtarë nga 24 ekipet në dy javë në Dyseldorf të Gjermanisë.
“Një punëtori me skuadrat pjesëmarrëse do të mbahet më 8 prill dhe me atë rast UEFA do të dëgjojë mendimet e trajnerëve”, tha trupi evropian i futbollit.
“Çdo ide në këtë drejtim më pas do të shqyrtohet dhe vlerësohet”.
Southgate tha se nuk kishte në plan t’i bënte presion UEFA-s për një rritje, megjithëse pranoi se numrat shtesë do të zvogëlonin rrezikun e përzgjedhjes së lojtarëve të preferuar që kishin lëndime.
“Ne kemi qenë në gjendje t’u japim njerëzve kohë,” tha Southgate, i cili po e çon Anglinë në turneun e tij të katërt të madh si trajner, “por me 23 kjo është padyshim më e vështirë”.
Kjo do të mund të përfitohej edhe nga kombëtarja e Shqipërisë që do të marrë pjesë, pasi do të mund të thërras më shumë lojtarë.
Është e paqartë se sa nga 24 trajnerët duan një skuadër më të madhe që do të përfshinte më shumë lojtarë që mund të mos kenë kohën e lojës në fushë.
Euro 2024 do të mbahet nga 14 qershori deri më 14 korrik në 10 qytete gjermane.