Në hap me teknologjitë, njeriu modern i është përshtatur një stili jetese të nxituar, duke sakrifikuar kohën dhe shëndetin e tij të lirë. Të ngrihesh nga shtrati në 5:00 të mëngjesit nuk është ideale për të gjithë, ndaj ne e ndërtojmë rutinën tonë në varësi të detyrimeve, nevojave dhe dëshirave tona.
Ajo që duhet pasur kujdes janë katër gjëra, përkatësisht trupi, mendja, koha dhe shpirti.
Trupi
Varësisht se sa kohë kemi në mëngjes, para se t’u përkushtohemi detyrave tona të përditshme, duhet të bëjmë diçka për trupin. Mund të jetë çdo lloj aktiviteti fizik, qoftë shtrirje, ecje, stërvitje e lehtë apo joga. Është e rëndësishme të lëvizni trupin pas tetë orësh pushim.
Mendja
Kur jemi përgatitur fizikisht për pjesën tjetër të ditës, pason përgatitja mendore. Higjiena mendore është bërë diçka që rrallë diskutohet, edhe pse është një nga gjërat më të rëndësishme për një njeri modern. Me çfarë lloj mantre zgjohemi, lë gjurmë në të gjithë ditën në vijim, dhe ndoshta edhe të nesërmen. Meditimi është bërë metoda më e njohur për tejkalimin e stresit, ankthit dhe mbajtjes së higjienës mendore në përgjithësi, por nuk i përshtatet të gjithëve.
Koha
Organizimi nuk është një virtyt që na zbukuron të gjithëve, por ne mund ta kontrollojmë edhe atë. Është e rëndësishme që këtë hap të mos e fillojmë në mëngjes, por një ditë më parë.
Shpirti
Arrijmë në pjesën më të rëndësishme të rutinës, e cila kërkon që ne ta lëmë të lirë imagjinatën tonë. Mund të bëni gjithçka që ju bën të lumtur dhe ushqen shpirtin tuaj. Një pasion që keni dashur gjithmonë ta filloni, p.sh., ujitja e luleve që rritni në tarracë, biseda me partnerin përpara se të shkoni në punë, mund ta drejtojë ditën tuaj në një rrugë pozitive, plot energji.