Elon Musk ka pohuar se pacienti i parë njerëzor të cilit i është implantuar çipi Neuralink mund të lëvizë kursorin e kompjuterit “vetëm duke menduar”.
“Përparimi është i mirë dhe pacienti duket se ka bërë një shërim të plotë, me efekte nervore për të cilat ne jemi të vetëdijshëm”, ka thënë Musk në një ngjarje të Spaces X, shkruajnë mediat e huaja, përcjell Telegrafi.
“Pacienti është në gjendje të lëvizë miun (e kompjuterit) rreth ekranit vetëm duke menduar”.
Neuralink implantoi produktin e saj të parë, të quajtur Telepathy, në një person muajin e kaluar.
Musk, shefi ekzekutiv miliarder i Tesla dhe SpaceX, tha se përdoruesit fillestarë të Telepathy do të jenë ata me paralizë.
Kompania nuk ka miratimin nga Administrata e Ushqimit dhe Barnave e SHBA-së për të shitur pajisjen, por iu dha drita jeshile për provat njerëzore pasi zyrtarët e agjencisë vlerësuan rreziqet e saj të sigurisë.
Por në vitin 2022, grupet e të drejtave të kafshëve pretenduan se Neuralink “gjymtoi trurin e majmunit”, ndërsa Komiteti i Mjekëve për Mjekësinë Përgjegjëse jofitimprurëse e akuzoi atë për kryerjen e eksperimenteve “invazive dhe vdekjeprurëse” mbi primatët.