Në dimër jemi më të uritur sepse bën ftohtë. Një studim i publikuar në “European Journal of Clinical Nutrition” ekzaminoi sjelljen e të ngrënit të 600 të rriturve për një vit dhe zbuloi se vjeshta është stina në të cilën ne prezantojmë ushqime më të yndyrshme dhe më kalori.
Bëhet fjalë për rreth 90 kalori më shumë në ditë krahasuar me pranverën, me një kulm në muajin nëntor. Por pse në dimër jemi më të uritur? Ne jemi më të uritur për shkak të trishtimit. Sasia e dritës natyrore që ne jemi në gjendje të “përjetojmë” është e vogël dhe për shkak të kësaj gjendjet e trishtimit rriten.
Moti me shi dhe orët e shtuara të errësirës mund të shkaktojnë melankolinë dhe për pasojë vendosim të përqendrohemi tek ushqimi, i cili është mjeti më i menjëhershëm dhe më i shpejtë i ngushëllimit për t’u gjetur. Në një studim të botuar në “Journal of Biological Chemistry” u zbulua se, në mot të ftohtë, prodhimi i nxehtësisë bëhet një prioritet për organizmin. Trupi më pas i thotë trurit të marrë më shumë yndyrë për të prodhuar më shumë nxehtësi.
Jemi më të stresuar. Vera dhe pushimet e ardhshme janë larg dhe kjo e projekton mendjen drejt muajve të gjatë që shpesh imagjinohen si të errët dhe të pafund. Pranvera duket e largët dhe jeni më të stresuar. Stresi natyrshëm çon në kërkimin e një mënyre për t’u ndjerë më mirë dhe kjo shpesh përfaqësohet nga ushqimi. Nëse e kuptoni se uria juaj është nervoze dhe e ekzagjeruar, gjeni ushqime që ju kënaqin, por që mund t’ju mbajnë të ndiheni të ngopur për më gjatë. Për më tepër, do të ishte e rëndësishme të rritet aktiviteti fizik për të lejuar që metabolizmi të mbetet aktiv.