Investimet në shkollat e mesme të qytetit të Shkupit janë të vendosura lart në prioritetet e veprimit, siç dëshmojnë projektet e shumta që tashmë janë realizuar. Qyteti zbatoi projektin për pajisjen e kabineteve me kompjuterë për të gjitha shkollat e mesme të Shkupit, i cili mundëson mësimdhënie më cilësore dhe mundësi për personelin mësimdhënës që në tërësi të kryejë detyrat e veta në vendin e punës.
Në shkollën e mesme të Qytetit të Shkupit “Marija Kiri – Sklodovska” mësimin këtë vit ndjekin 1725 nxënës, të cilët me pajisje digjitale kanë mundësi të ndjekin mësimin dhe të punojnë në përputhje me trendet moderne.
Me tabelat e reja digjitale të vendosura në shkollën e mesme të qytetit të Shkupit “Marija Kiri – Sklodovska”, janë pajisur 10 paralele shtesë, me çka krijohen kushte për përmirësimin e procesit mësimor. Instalimi i pajisjeve të reja inteligjente është pjesë e projektit për modernizimin e shkollave, të cilat duke stimuluar aftësitë dhe njohuritë dixhitale do të mundësojnë përmirësimin e mëtejshëm të procesit mësimor.