QKM Rajonale Kumanovë njoftoi se zjarrfikësit e Njësitit Territorial të Zjarrfikësve nga Brigada e zjarrfikësve të Rankovcës gjatë një intervenimi nga ora 20:30 deri në ora 00:10 për shuarjen e zjarrit në ambient të hapur mbrëmë kanë gjetur një të moshuar të lënduar në rrethinën e fshatit Psaça. Është djegur bar i thatë me sipërfaqe rreth 0.4 hektarë.

Ekipi SPB dhe ekipi mjekësor kanë kryer kontroll në vendin e ngjarjes.

“I moshuari i lënduar ka humbur jetën, me shumë gjasa për shkak të mbytjes nga tymi. Informacion më të detajuar do të ketë pas përfundimit të hetimeve”, thonë nga QMK.

Sipas raporteve të Qendrave Rajonale për Menaxhimin e Krizave njoftohet se në vend ka ende zjarre aktive.

Idri Istrefi, ish-kandidati i ASH-së për kryetar të komunës së Strugës është propozuar në postin e drejtorit të Postave të Maqedonisë, pas shkarkimit të drejtoreshës së deritanishme, Bujare Abazi.

Qeveria e Maqedonisë së Veriut në njoftimin zyrtar, ka bërë të ditur se krahas Bujare Abazit dhe Gazmend Abdija, nga pozita e drejtorit është shkarkuar edhe Bojan Llazarevski nga Agjencia për film.

Për Gazmend Abdijun ende nuk është propozuar ndonjë emër. (INA)