Është nder dhe kënaqësi e veçantë që projektet që i premtuam në programin “Për një Shkup modern” po realizohen me dinamikë të madhe. Përkundër të gjitha bllokimeve në Këshillin e Qytetit të Shkupit, arritëm të investojmë dhe të realizojmë një numër të madh të projekteve kapitale që do të ndryshojnë rrënjësisht jetën në kryeqytet.
Pikërisht një projekt i tillë është ndërtimi i bulevardit Ljubljanska, realizimi i të cilit fillon sot. Sipas projektit, bëhet fjalë për zgjidhje të re bulevardike në rrugën “Ljubljanska”, me lidhjen e një ure të re në lumin Vardar të tipit të ashtuquajtur “urë e ekstradozuar”.
Kjo zgjidhje e komunikacionit do të lehtësojë lëvizjen e qytetarëve të Komunës së Karposhit duke e lidhur direkt lagjen Karposh me rrugën Skupi. Një zgjidhje e tillë jo vetëm që do të shkurtojë kohën e udhëtimit, por edhe do të reduktojë ndjeshëm bllokimet e trafikut në këtë pjesë të qytetit.
Në këtë fazë, përveç zgjidhjes së bulevardit, po ndërtohet edhe një shteg i ri për biçikleta dhe këmbësorë me rregullimin e duhur përdhes, që do të thotë se ne në vazhdimësi jemi duke i realizuar projektet nga programi që ka marrë mbështetjen e shumicës së Shkupit. https://www.facebook.com/share/p/ELKRAy1fv3mV2YPo/?mibextid=oFDknk