Presidenti i shtetit Stevo Pendarovski mëngjesin e sotëm ka vendosur lule mbi varrin e revolucionarit maqedonas Goce Dellçev në oborrin e kishës “Shën Spas” në Shkup.
Pendarovski i bëri homazhe Dellçevit me rastin e 152 vjetorit të lindjes së tij.
Në vendprehjen e përjetshme të Goce Dellçevit ka vendosur lule edhe delegacioni i qeverisë teknike, i kryesuar nga zëvendëskryeministri i parë i obliguar për Çështje Evropiane, Bojan Mariçiq, në përbërjen e të cilit është ministrja e Kulturës Bisera Kostadinovska Stojçevska dhe zëvendësministri i Transportit dhe Lidhjeve Bekim Rexhepi.
Lule vendosi edhe delegacioni i Kuvendit i kryesuar nga nënkryetari Goran Misovski. Në delegacion janë Marija Georgievska dhe Velika Stojkova-Serafimovska.
Për shkak të protokolleve të sigurisë, janë ngritur dy pika kontrolli nga Ministria e Punëve të Brendshme, njëra në udhëkryqin pranë “Qendrës Memoriale të Holokaustit” dhe tjetra pranë xhamisë Mustafa Pashë.