Këngëtarja 28-vjeçare, e cila konfirmoi romancën e saj me aktorin në fillim të këtij muaji, ka shkëmbyer puthje me partnerin e saj teksa shëtisnin dhe shijonin kafen në dorë.
Aktori 33-vjeçar në një foto shihet duke e puthur Dua Lipën në kokë, ndërsa ajo është duke e përqafuar. Çifti nuk bëri asnjë përpjekje për të fshehur dashurinë e tyre teksa ishin duke ecur në rrugë.
Së fundmi këngëtarja britanike ka mbështetur të dashurin e saj në një seancë pyetjesh dhe përgjigjesh për serialin e tij të ri.
Më herët, ata u panë me disa miq teksa darkonin në R+D Kitchen në Los Angeles. Nga pamjet e siguruara nga TMZ çifti u pa duke kërcyer në mënyrë sensuale në një festë.