Uji për pije në Shkup është me cilësi të mirë, tregojnë të dhënat e Ndërmarrjes Publike “Ujësjellës dhe Kanalizim”.
“Sektori për kontroll sanitar në periudhën nga data 22 deri më 26 janar mori 185 mostra për analizë fiziko-kimike dhe 185 mostra për analizë mikrobiologjike të ujit për pije nga 41 vende matëse në qytetin e Shkupit. Sipas rezultateve të fituara nga hulumtimi, të gjitha mostrat përputhen me Rregulloren për kërkesa për siguri dhe cilësi të ujit për pije – Gazeta zyrtare e RM-së, nr.183/18, shkruan në kumtesën e NP “Ujësjellës dhe Kanalizim”- Shkup.