Dy sulmues të maskuar kryen një sulm të armatosur në një kishë katolike në Stamboll gjatë një shërbimi të dielën, duke vrarë një person, tha ministri i Brendshëm turk, Ali Yerlikaya. Sipas deklaratës së Yerlikaya, persona të armatosur sulmuan Kishën e Shën Marisë në lagjen Saryer të Stambollit në orën 11:40 të mëngjesit me orën lokale.
Në raportimet e para pas sulmit, mediat turke raportuan se nga sulmi është plagosur një person. “Sot në orën 11:40 me orën lokale, në një sulm të armatosur në kishën katolike të Shën Mërisë në lagjen Saryer të Stambollit (në veri të Stambollit) mbeti i vrarë D.T.”, shkruan ministri Yerlikaya në rrjetet sociale.
Ministri tha se dy sulmuesit mbanin maska dhe ishin të pranishëm me adhuruesit gjatë lutjeve të së dielës. Yerlikaya njoftoi se ka nisur një hetim gjithëpërfshirës për sulmin dhe se kërkimet për sulmuesit janë në vazhdim.