Kuvendi sot me 64 vota “pro” dhe 40 “kundër” e ka zgjedhur Jovan Mitreskin për kryetar të Kuvendit.
Mitreski, i cili ka qenë deri më tani koordinator i grupit të deputetëve të LSDM-së, do të jetë kryetari i Kuvendoit deri në zgjedhjen e përbërjes së re të Kuvendit pas zgjedhjeve të 8 majit dhe pasi që paraardhësi i tij Talat Xhaferi është propozuar për mandatar të qeverisë teknike, e cila duhet të zgjedhet të dielën më 28 janar.
Në debat u drejuan deputeti Martin Kostoski nga LSDM-ja, i cili dha mbështetje të plotë për Mitreskin, Nikolla Miceskin, koordinator i VMRO-DPMNE-së, i cili tha se ata nuk do të votojnë për të, Arbër Ademi i BDI-së, i cili i dha mbështetje, ndërsa foli edhe Dimitar Apasiev.
Kryetari i ri dha betimin solemn, pas së cilës, siç është paralajmëruar do të ketë pranim-dorëzim të funksionit dhe deklarata të shkurtra të Xhaferit dhe Mitreskit.
Mitreski shkurt u falënderua për mbështetjen, si dhe e falënderoi Xhaferin për menaxhimin e suksesshëm të Kuvendit së bashku me sekretaren e përgjithshme, Cvetanka Ivanova.