Post RMV bën të ditur se emri i saj është keqpërdorur në një fushatë mashtruese përmes rrjetit social Facebook, me një uebfaqe të rreme që dërgon mesazhe dhe nga atje bëjnë apel për qytetarët që të kenë kujdes.
“Emri i Postës po keqpërdoret sërish, kësaj radhe përmes rrjetit social Facebook. Dëshirojmë të njoftojmë përdoruesit tanë se Posta e Maqedonisë së Veriut nuk qëndron pas këtyre njoftimeve në të cilat ofrohen kuti speciale me produkte të ndryshme vetëm për 123 ditë. Kërkojmë nga qytetarët që të jenë jashtëzakonisht të kujdesshëm se ku i lënë të dhënat e tyre personale, sepse SH.A. “Posta e Maqedonisë së Veriut” nuk u dërgon mesazhe elektronike përdoruesve të saj, e as nuk ekziston një fushatë e tillë në faqen tonë zyrtare”, thuhet në njoftimin e RMV Post faqen e internetit.
Ai rikujton se çdo përfaqësim i paautorizuar në emër të Postës së Maqedonisë së Veriut përbën abuzim klasik dhe i nënshtrohet përgjegjësive penale dhe të tjera ligjore.
“Njoftimin e vetëm dhe zyrtar për dorëzimin e parcelave, ofertave apo shërbimeve tuaja mund ta lexoni në faqen zyrtare www.posta.com.mk“, shkruanjnë nga Posta.