1675 raste të reja me grip ose sëmundje të ngjashme me gripin janë raportuar në vend në javën e tretë të këtij viti, që është 41,7% më shumë krahasuar me javën e kaluar, tha Instituti i Shëndetit Publik.
Krahasuar me javën e tretë të sezonit të kaluar, numri i të sëmurëve është më i lartë me 47,6%, dhe krahasuar me javën e tretë të kurbës tipike të epidemisë (modeluar nga 13 sezonet e fundit), rritja është me 32,2%.
Përsa i përket shpërndarjes së moshës, 1012 persona janë të moshës 15-64 vjeç, 256 fëmijë 5-14 vjeç, 237 fëmijë 0-4 vjeç dhe 170 janë të moshës mbi 65 vjeç. Incidenca më e lartë është regjistruar tek fëmijët e moshës 0-4 vjeç.
Të sëmurë janë raportuar : në Shkup 295, Manastir 287, Tetovë 165, Gostivar 149, Dibër 110, Kumanovë 104, ndërsa në pjesën tjetër numri i rasteve të raportuara është më i vogël se 100.
Gjatë kësaj jave është regjistruar një vdekje nga gripi. Bëhet fjalë për një person 45-vjeçar nga Negotino i cili është shtruar në KIBFS. Te personi i vdekur u konstatua prania e sëmundjeve shoqëruese (kardiovaskulare, pulmonare, diabeti, obeziteti) dhe ai nuk ishte vaksinuar me vaksinën e gripit sezonal. Te personi i vdekur është konfirmuar laboratorikisht gripi A(H1)pdm09.
Numri i përgjithshëm i rasteve të gripit/sëmundjeve të ngjashme me gripin në sezonin 2023/2024 është 5175. Krahasuar me të njëjtën periudhë të sezonit të kaluar, ka një rritje prej 22,3%, dhe krahasuar me modelin e 13 sezoneve të fundit, ka një rritje prej 34,6%.