Mediat izraelite shkruajnë se kryeministri izraelit Benjamin Netanyahu po e zgjat konfliktin në Gaza si një strategji për të shmangur përballjen me pyetjet në lidhje me të dhe për të parandaluar rënien e koalicionit të tij qeverisës, transmeton Anadolu.
“Kjo luftë nuk ka asnjë qëllim dhe të ardhme, por zgjatja e saj është mënyra (e Netanyahu-t) për të shtyrë angazhimin me çështjen e përgjegjësisë”, citohet të ketë thënë një zyrtar izraelit nga e përditshmja Haaretz.
Zyrtari anonim tha se Netanyahu “e di se ka një shans të arsyeshëm që qëllimet e luftës të mos arrihen dhe thjesht po ngec në kohë”.
Ai tha gjithashtu se pengjet izraelite të mbajtur në Gaza nuk janë të rëndësishëm për Netanyahu-n dhe është e vështirë të besohet se kryeministri do të bie dakord për një shkëmbim për t’i liruar ata në këmbim të përfundimit të luftës dhe lirimit të të burgosurve palestinezë.
Zyrtari izraelit vuri në dukje se Netanyahu e kupton se nëse Ministri i Sigurisë Kombëtare Itamar Ben-Gvir largohet nga koalicioni qeverisës, qeveria e tij do të marrë fund dhe për këtë arsye ai vazhdon të shpëtojë nga diskutimi i së ardhmes lidhur me luftës në Gaza.
Izraeli pretendon se Hamasi ka mbajtur 136 izraelitë në Gaza që nga 7 tetori, ndërsa Hamasi kërkon një armëpushim në Gaza dhe lirimin e të burgosurve palestinezë nga burgjet izraelite në këmbim të lirimit të të pengjeve izraelite.
Ushtria izraelite ka zhvilluar një luftë shkatërruese në Gaza që nga 7 tetori, duke rezultuar në 24.762 të vdekur dhe 62.108 të plagosur.
Sipas autoriteteve palestineze dhe OKB-së, konflikti ka çuar në zhvendosjen e më shumë se 85 për qind të popullsisë në Rripin e Gazës, afërsisht 1.9 milion banorë.