Kryetarja e qytetit të Shkupit, Danela Arsovska, në rrjetet sociale ka publikuar një video ku ka qenë e pranishme në deponinë ilegale në komunën e Gjorçe Petrovit, pasi më herët gjatë ditës së sotme ka thënë se kanë zbuluar një deponi ilegale në këtë komunë dhe më pas e njëjta komunë e mohoi një gjë të tillë dhe tha se asnjëherë nuk kanë depozituar mbeturina ilegalisht në lokacionin e treguar dhe as nuk kanë krijuar deponi ilegale.
“Të kapur në akt për shkak të ekocidit në Gjorçe Petrov. Konsumatori më i zakonshëm i kësaj deponi ilegale është pikërisht komuna, ndërsa pronar i parcelës është një person i punësuar në administratën komunale në sektorin e financave të komunës së Gjorçe Petrovit. Nuk ka asnjë lëshim për këtë. Duhet të ketë drejtësi!”, ka shkruar ajo në rrjetet sociale.