Komunikacioni në rrugët shtetërore zhvillohet në kushte dimërore, në disa vende në rrugë të lagështa. Ulje e dukshmërisë për shkak të mjegullës prej 50-100 metra në akset rrugore Shkup – Kumanovë, Shkup – Veles, Veles – Negotinë, Negotinë – Demir Kapi dhe Dellçevë – Makedonska Kamenicë.
Nga LAMM njoftuan se intensiteti i komunikacionit në rrugët jashtë mjediseve të qytetit është mesatar. Në vendkalimet kufitare nga ana e Maqedonisë nuk ka më vonesa për hyrje dhe dalje nga vendi.
Nëpër gryka malore, kumtuan nga NP Rrugët e Maqedonisë, është e mundur paraqitje e shembjeve të vogla të cilat pastrohen rregullisht, Ekipet kujdestare, qëndron në kumtesë, vazhdimisht janë në terren dhe i mbajnë të kalueshme të gjitha akset rrugore.
LAMM rekomandon shpejtësi të adaptuar të lëvizjes, respektimin e sinjalistikës së vendosur të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore, ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.