Sekretarja e Shtetit të Maine të SHBA’së nga ana e demokratëve të enjten ka hequr Donald Trumpin nga e drejta për tu regjistruar në fletvotimet në këtë shtet duke ia ndaluar kandidimin ashtu siç bëri dhe shteti i Colorados. Kjo është hera e parë që një zyrtare e zgjedhur vendos një anshëm ta ndaloj kandidimin e një kandidati për president
Vendimi nga Sekretarja e Shtetit Shenna Bellows përcjell vendimin e Gjykatës së Colorados e cila e ndaloi kandidimin e Trumpit në atë shtet duke cituar seksionin 3 të amandamendit të 14 të Kushtetutës amerikane. Ky vendim është apeluar në Gjykatën Supreme të SHBA’së.
Kampi i Trump kanë thënë se do ta apelojnë vendimin e Maines dhe Sekretares Bellows ashtu siç e kanë apeluar vendimin e Gjykatës së Colorados. Gjykata Supreme e SHBA’së do të ketë fjalën përfundimtare mbi këto vendime, raporton The Associated Press.
Njëri nga zëdhënësit e kampanjës së Trumpit Steven Cheung ka thënë në një deklaratë se publiku po përjeton në kohë reale përpjekjen e vjedhjeve të zgjedhjeve dhe të shtrembërimit të vullnetit të votuesit amerikan.