Ish-drejtori i shërbimit sekret , Sasho Mijalkov dhe ish-prokurorja publike speciale Katica Janeva, janë liruar nga burgu për natën e ndërrimit të viteve, përkatësisht festat do t’i festojnë në liri.
Nga Autoriteti i Zbatimit të Sankaioneve pë “Fokus” kanë sqaruar se të dy do të marrin ditët e lira që u takojnë ligjërisht. Më konkretisht, Janeva do të shfrytëzojë ditët nga pushimet vjetore, ndërsa Mijalkov do ta shfrytëzojë lirinë e fundjavës.
aneva është duke e vuajtur dënimin me 7 vite burg për rastin “Reket” në repartin e grave në burgun e Idrizovës. Ndërkaq, Mijalkov ndodhet në burgun e Strugës, ku duhet të qëndrojë tre vjet pas marrëveshjes me shtetin për rasrin “Perandoria”.
Pas vuajtjes së një pjese të dënimit, të burgosurit kanë të drejtë për një pushim vjetor prej 20 ditësh dhe një fundjavë falas në muaj.