Një gjykatë federale e apelit i ka dhënë Apple lejen për të vazhduar importimin e orëve inteligjente Apple Watch Series 9 dhe Apple Watch Ultra 2.
Vendimi i gjykatës vjen një ditë pasi Apple paraqiti një apel kundër një vendimi të ITC (Komisioni Ndërkombëtar i Tregtisë) që ndalonte importin e të dy modeleve të Apple Watch, të cilat janë në qendër të një mosmarrëveshjeje për patentën.
Vendimi i gjykatës është i përkohshëm dhe ITC ka afat deri më 10 janar për t’iu përgjigjur kërkesave të Apple. Kjo do të thotë që Apple mund të vazhdojë të shesë Apple Watch në faqen e saj të internetit dhe në dyqanet e Apple në SHBA, pasi kompania ndaloi shitjen shkurtimisht javën e kaluar.
ITC vendosi që Apple shkeli dy patenta që i përkisnin Masimo. Të dyja patentat lidhen me sensorët e oksigjenit në gjak, të cilët Apple i ka përdorur në shumicën e modeleve të orës së saj që nga viti 2020. Edhe presidenti amerikan Joe Biden nuk vuri veton ndaj vendimit të ITC, që nënkuptonte fillimin e ndalimit të importit të orëve, i cili hyri në fuqi javën e kaluar.
Në apelin e saj të martën, Apple argumentoi se kompania do të pësonte dëm të pariparueshëm nëse ndalimi vazhdon.
Apple aktualisht po eksploron mundësinë e ridizajnimit të sensorit të oksigjenit të gjakut në orët e saj, pasi si ITC ashtu edhe Massimo ranë dakord që vetëm një ristrukturim i softuerëve është i pamjaftueshëm për të zgjidhur mosmarrëveshjen e patentave.