Bazuar në iniciativën për një front të gjerë evropian, Kryesia e LSDM-së autorizoi kryetarin Dimitar Kovaçevski që të formojë një grup punues dhe të bisedojë me të gjitha subjektet politike, organizatat joqeveritare, shoqatat qytetare, aktivistët, të gjithë ata që mbështesin Evropën, rrugën dhe të ardhmen e vendit ata e shohin si anëtare të plotfuqishme të Unionit për t’u bashkuar dhe për bashkëpunim të përbashkët rreth arritjes së qëllimit strategjik: anëtarësimit në BE.
Bordi Qendror përcaktoi Jovan Mitreskin kandidat të LSDM-së për kryetar të Kuvendit deri në përfundim të mandatit të përbërjes parlamentare 2020-2024.
Në bazë të kompetencave statutore, anëtarët e Bordit Qendror kanë marrë Vendim për përcaktimin e kandidatëve për ministra, zëvendësministra dhe zëvendësministra shtesë në Qeverinë Teknike të Republikës së Maqedonisë së Veriut nga radhët e LSDM-së.
Kandidate për zëvendëskryeministër përgjegjëse për politika për qeverisje të mirë Bordi Qendror ka përcaktuar Slavica Grkovska.
Kandidati për zëvendëskryeministër, i ngarkuar për çështjet ekonomike, koordinimin e dikastereve ekonomike dhe investimeve, u zgjodh Fatmir Bytyqi.
Kandidati për zëvendëskryeministër për çështje evropiane u zgjodh Bojan Mariçiq.
Bisera Kostadinovska Stojçevska është zgjedhur për ministre të Kulturës.
Kaja Shukova është zgjedhur ministre e Mjedisit dhe Planifikimit Hapësinor.
Ljupço Nikolovski është zgjedhur kandidat për ministër të Bujqësisë, Pylltarisë dhe Ujërave.
Bllagoj Boçvarski është zgjedhur kandidat për ministër për transport dhe lidhje.
Slavjanka Petrovska është përzgjedhur për ministre të Mbrojtjes.
Bordi qendror përcaktoi edhe kandidatët nga LSDM për zëvendësministra:
Viktoria Avramovska Madic, zëvendësministre e Drejtësisë.
Maja Manoleva, zëvendësministre e Shëndetësisë,
Aleksandar Baideski, zëvendësministër për shoqëri informatike dhe administratë.
Filip Nikolovski, zëvendësministër i financave.
Miki Krstev për zëvendësministër për vetëqeverisje lokale.
Kandidat për zëvendësministër shtesë të Punëve të Brendshme, Bordi Qendror i LSDM-së e përcaktoi Mitko Bojmacaliyev, shef aktual i kabinetit të ministrit Spasovski.
Kandidat për zëvendësministër shtesë për punë dhe politikë sociale e ka përcaktuar Jovana Trençevska, kryetare e Forumit të Gruas dhe ministre aktuale.
Qeveria Teknike është detyrim ligjor dhe të gjitha palët duhet ta respektojnë këtë detyrim ligjor, të marrin pjesë në procesin zgjedhor, pa kalkulime.
Për shef të shtabit qendror zgjedhor të LSDM-së, Bordi Qendror zgjodhi sekretarin e përgjithshëm Mile Zeçeviq Vardarski.
LSDM është gati dhe shkon në zgjedhje për fitore të dyfishtë në zgjedhjet presidenciale dhe parlamentare. LSDM do të propozojë kandidatin fitues për president dhe do të formojë Qeverinë e ardhshme pro-evropiane.
Kryetare e Bordit Qendror të LSDM-së u zgjodh Salavjanka Petrovska, e cila së bashku me Dashmir Afetin nga Zhelina u zgjodhën edhe anëtarë të rinj të Bordit drejtues.
Bordi Qendror i LSDM-së përcaktoi Rregulloren dhe afatin për procedurën, mënyrën dhe kriteret për përcaktimin e kandidatit të LSDM-së për President të Republikës së Maqedonisë së Veriut në zgjedhjet presidenciale të vitit 2024, si dhe Rregulloren, afati për procedurën, mënyrën dhe kriteret për përcaktimin e kandidatëve për deputetë të LSDM-së në Kuvendin e Republikës së Maqedonisë së Veriut.
U mor vendim për thirrjen e Kongresit të njëzet e shtatë të LSDM-së për përcaktimin e kandidatit të LSDM-së për President të Republikës së Maqedonisë së Veriut, si dhe Vendim për thirrjen e Kongresit të Njëzetetetë të LSDM-së për përcaktimin e kandidatëve për deputetë të LSDM-së në Kuvendin e Republikës së Maqedonisë së Veriut për zgjedhjet parlamentare të vitit 2024.