Stefano Pioli nuk ka qenë kurrë kaq në dyshim që kur u bashkua me Milanin. As pas disfatës turpëruese 5-0 ndaj Atalantës apo muajit të frikshëm, janarit të sezonit të kaluar. Në atë kohë kishte “rilindje”, sot gjithçka duket se po venitet.
Nga situata tejet problematike fizike, dëmtimet në limite me realitetin, deri te paraqitjet në fushë, janë krejtësisht nën aftësitë e skuadrës në dispozicion. Pioli reziston, por vetëm për mungesë alternativash për ta zëvendësuar. E shkruan këtë “Corriere dello Sport”.
Pioli është nën vëzhgim. Bashkë me trajnerin kuqezi, në bankën e të akuzuarve përfundojnë edhe anëtarët e stafit të tij. Kjo për shkak se çështja e dëmtimeve është thelbësore për analizën e sezonit të Milanit, deri në këtë pikë. Si do të kishte shkuar me një skuadër të plotë dhe jo vazhdimisht të mposhtur nga problemet fizike?
Në ndeshjet e ardhshme fokusi do të jetë te Pioli dhe Milani ka filluar të ketë presion edhe nga pas. Bolonja është -2 pikë, Fiorentina -3, Roma -5. Edhe vendi i katërt, pra që vlen kualifikimin në Champions League, është në rrezik. Trajneri është në dyshim, por tani për tani mbetet në pozicionin që ka. Për këtë duhet të falënderojë mungesën e alternativave të besueshme.
Emri i Antonio Contes duhet të përjashtohet. Puliezi nuk dëshiron detyra në mes të sezonit dhe kushton shumë. Ndoshta nuk ka të tjerë të nivelit të tij, edhe lëndimet paraqesin vështirësi. Cili trajner do të vihej në krye të një skuadre të shkatërruar fizikisht, me gjysmën e lojtarëve të dëmtuar?