Moti sot në mëngjes do të jetë i ftohtë, ndërsa gjatë ditës me diell. Nëpër disa fushëgropa do të ketë kushte për paraqitje të mjegullës së mëngjesit apo vranësira të ulëta. Do të fryjë erë e matur deri mesatare nga drejtimi verior. Temperatura minimale do të jetë në interval prej -9 deri -1, ndërsa maksimalja do të arrijë prej 3 deri 10 gradë.
Në Shkup mëngjesi do të jetë i ftohtë me kushte për mjegull të dobët, ndërsa gjatë ditës me diell, me erë të dobët deri mesatare nga drejtimi verior. Temperatura minimale do të zbresë deri -5, ndërsa maksimalja do të arrijë deri 7 gradë.
Në ditët në vijim moti do të jetë stabil, në fillim të javës me temperatura të ulëta të mëngjesit, përderisa ato të ditës do të jenë në rritje. Në fushëgropa në mëngjes do të ketë kushte për dukuri të mjegullës apo vranësirave të ulëta dhe temperatura e ditës do të mbetet e ulët.