Kryeministri Dimitar Kovaçevski nga Brukseli deklaruar se është siguruar që në momentin kur do të ndodhin ndryshimet kushtetuese, vendi do të mund të mbajë konferencën e dytë ndërqeveritare me BE-në. Kovaçevski sërish për mos-hapjen e kapitujve me BE-në e fajësoi opozitën.
“U konfirmua se frenuesi i vetëm i shtetit është koalicioni anti-BE, anti-NATO dhe pro-rus i VMRO-DPMNE-së dhe Levicës. Qytetarët tanë sot edhe konkretisht mund të binden se me këta politikanë do të privohen nga mundësia që shpejt të kyçen në familjen progresive europiane dhe qytetarët tanë patën mundësinë edhe njëherë të binden se si dukej viti 2008, atëherë ishte në Bukuresht, sot dhe dje ishte në Bruksel”, ka deklaruar Kovaçevski.
