Një banesë është përfshirë nga flakët gjatë natës në Bubullimë të Lushnjës. Si pasojë e flakëve ka humbur jetën një 82-vjeçar i quajtur Koli Koçi.
Shtëpia e tij është shkrumbuar totalisht ndërsa komshinjtë e çiftit të moshuar tregojnë se zjarri ka rënë rreth orës 2 e 30 të mëngjesit të sotëm.
Njëri prej tyre, Artur Derka tregon si luftuan me flakët për të nxjerrë gruan e 82-vjeçarit ndërsa të moshuarin e kishte zënë trau i shtëpisë.
Shefi i zjarrfikësve Lushnjë, Xhezmi Metushi shprehet se kur kanë mbërritur e gjithë ndërtesa ishte në flakën dhe çatia kishte rënë dhe bënë të mundur nxjerrjen e trupit të viktimës sipas Metushit, shkak mendohet të ketë qenë soba e druve me të cilin ngriheshin të moshuarit.
Çifti i të moshuarve jetonte i vetëm pasi nuk kishin fëmijë. Gjendja e tyre ekonomike ishte e rënduar dhe banesa ku jetonin ishte me baltë e kallama.