Kompania e veshjeve Zara është tërhequr nga fushata e saj reklamuese, e cila shfaqte manekinet me gjymtyrë të humbura dhe statuja të mbështjella me të bardha. Vendimi erdhi pasi disa aktivistë pro-palestinezë kishin bërë thirrje për një bojkot të Zara-s si përgjigje, duke thënë se imazhet ngjasonin me fotot e kufomave me qefine të bardha në Gaza. Fotot u shpërndanë kudo në rrjetet sociale me hashtagun “bojkotoniZaran”.
Në njërën nga fotot, një modele mban një manekin të mbështjellë me të bardhë, ndërsa një tjetër tregon një bust të shtrirë në dysheme dhe një tjetër ka një manekinë pa krahë. Inditex, e cila zotëron Zara, tha se kishte ndryshuar imazhet si pjesë e procedurës së saj normale të përmbajtjes. Gjithashtu nuk komentoi thirrjet për bojkot, por tha se koleksioni “Atelier” ishte konceptuar në korrik dhe fotot janë realizuar në shtator.
Dhjetëra mijëra komente u lanë në llogarinë e Zarës në Instagram për fotot, shumë me flamuj palestinezë. “#BoycottZara” ishte trending edhe në platformën X. Fotot, të cilat u shfaqën në faqen kryesore të dyqanit online të Zara, nuk ishin më në faqen e internetit apo aplikacionin e saj deri në orën 12:30.